溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖萬丈布

話說上回去完乾哂水既凌風之後,放棄上源改往呢個萬丈瀑,諗住去鼻涕瀑果頭玩下水算數。一眾隊員起悟園休息完一輪後就沿園後小徑上山,經過萬丈瀑營地,直擊鼻涕瀑!!

隊員:Pui, Lok, Dino, Fa, King, Tong, Gong

 

沿山徑下降,在左方的是萬丈九曲,遠望都幾多潭瀑,有機會一遊。

在一小橋位置山徑交接萬丈瀑的上源,由於一心係想玩水既關係,我地放棄哂上源。

在橋左的山路下降,去到金字塔山頂,下望發現鼻涕瀑旁的水潭十分熱鬧。鼻涕瀑之上亦有一個大潭,可惜潭水墨綠深不見底,都係不宜游泳。

鼻涕瀑頂風情萬種的癲哥哥。在瀑布的右方下降水池,大隊行友正要離開,原來佢地就係今早在巴士上談論地龍單車計劃同鳳壁之鞋論既高手們。

呢個潭既水都唔係咁討好…加上池旁邊還有少量食物的殘渣,更加無意欲落水。只有癲佬同阿樂落水浸左兩野同玩一玩條鼻涕。

即然唔玩水就繼續行程先,數步之外已是萬丈瀑頂,居高臨下,腳下是萬丈瀑的絕壁,遠方則可以睇到二澳既海灘。

下降的話,瀑布旁邊有正路。經癲佬同阿樂探路之後我地就沿瀑布先下降一層,在瀑中棋越水道至另一邊再下降瀑底。

癲佬強調佢曾經由下而上在瀑布的左手面攀上來,一級一級咁好易架咋。返去睇返相原來佢又真係攀過…但係要知道上攀同下降的分別…=_\=

瀑下大壩閘水成潭,由於有兩位泳裝美眉在游水既關係,我地都決定起度大抖。

泳出去壩果度,發現外面就成十米高…都係小心d唔好飛出去。

苦練誠意撻水技、劍指水上飄,加加埋埋撻左十幾廿次。

又係玩到失溫先走人,回望萬丈瀑,出色!臨走既時候阿棠擺柳時一不小心被樹枝切了一下腹,上腹肌打橫畫了一道血痕,靚。

大休的堤壩水潭。沿山路離開,中途又見到一座不知名建築物,癲佬又發揮實力。但係等佢上左去,全員即刻撤退…留返佢一個起上面唔上唔落。

暴走落山出到二澳海灘,成腳都係泥出海洗佢一洗,點知行出幾步就成隻腳沒入爛泥之中,動彈不得,唯恐大力拉扯會連涼鞋都頂唔順拉斷,只好慢慢典返出黎。

再黎集體互片遊戲,成班友仔係咁搵D岩片既石仔。

玩到差唔多,沿鳳徑快步返出去,遠觀大澳同象獅山,天氣真係幾好。

返到出大澳,回望身後既牙鷹山,岩岩順光,輪廓出哂黎,靚。

最後返去巴士站小休食返個豆腐花,坐在海旁睇下雲,十分寫意。

2005年6月日

返回上頁返回首頁返回頁頂

 

Email