溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖白芒石澗

白芒石澗由婆髻山流落白芒,水質貫徹左大東水系既特質-「清」!中下游為精華段,澗道未至寬廣但尚算開揚,初段已有二三口水潭可以賞玩,乃至上源林木雖豐盛但感覺原始而不陰森,且沿澗而上一路都有不少中小型瀑布,值得一遊。

隊員:Pui, Dino, King, Fa, Wai+1

 

又係講左十年都未去既澗,今日終於玩到,而且仲突然幾好天添。太好!

九點半大家樂見,今日都幾人齊,係差阿樂一個,本來係核心小組探遊,點知阿威帶多左個朋友仔黎,無行山經驗、唔知今日玩澗。一眾隊員都心知不妙,暗下決定由阿威獨自照顧個新朋友,其他人Team B暴走自己去玩∼耶∼

食飽入貨後,快步至白芒村,路邊有個爛得黎幾有feel既路牌。中途路過幾條細澗仔,都幾好水,其中一條係低埔坑,有機會都會一遊。

大半個鐘到左大蠔。入村行多兩步就到入澗位。澗口有D垃圾,幫手打掃一下。

幾好水,而且水質一流。開始有一少段要澗水行。在澗右發現淋浴設施。

第一時間沖個身降降溫先。好快就見到第一個潭,小休一會等等威小隊,雖然水好清,但係個潭好淺=_\=,游得唔銣痋A都係玩下片石算。

行多兩步又有到景點「龍綖潭」,大嶼山既澗水質真係無得頂,印象中又以黃龍北龍最出色,而今次既白芒亦都做到野,「龍綖潭」潭水碧綠澈底,潭下的岩石反射日光呈金黃色!好潭!

「龍綖潭」堪稱睇得又玩得,甚具野趣,長形既水潭以中間最深,大約有三米,可以肆意潛泳,但左邊有大石置於潭底,小心撞石。另潭右橫設了一條水管棧道=_\=,可以一玩傻兵過河,但爬越水潭途中疑有阻隊員花的去路,給狠狠的踢左落水。

坐在潭邊享受一下陽光既溫度,十分好的感覺,玩澗最舒暢真係莫過於此。休息得差唔多都係時候走人,正路在潭右上攀繞過「龍綖潭」。亦可以玩踩鋼線渡潭,好好玩既渡潭方法。

有些位置無乜扶手要考量一下平衡力,大不了咪FreeFall墮潭一Hit,阿威見狀亦知難而退行左山路。但係一眾隊員完全無諗過水管既負重能力一湧而上,行果時仲黫揧n驚死佢唔斷咁=_\=。

去到潭後的二層短瀑欣賞一下,回望影下「龍綖潭」,之後在右崖上攀回正路,一級級咁手腳充足,小心上攀即可。

續行,小潭短瀑都唔好放過。

穿過一少段樹蔭,出現一中型流瀑但流勢一般,瀑下置一長形潭水深足潛泳,有趣的是瀑右潭盡之處內藏小石室可以一玩。但最得我歡心都係潭前的淺水區,金光閃閃既岩石真係好靚。

一探石室後意圖攀瀑而上,花左一輪功夫最後都係發現被困,只能對隊員唱一句「Come and take my Hand now」。

回望流瀑及水潭。再沿澗上溯,呢個時候要小心觀察,澗道左方有一個好玩既景點,但係稍為隱瞞,一個唔小心就會Miss左。睇山澗叢集都話有個「龍簾瀑」頗為隱秘,唔知係唔係就係講呢個,不過唔理啦,玩左先算。

瀑前小窪滿佈大石,而此瀑亦是由兩巨石間直瀉而下,講真形態唔算特別,但係野趣絕對滿分!!因為…瀑後竟然又有石室可以玩!太癲!!

開頭都唔覺眼,但行近一睇!咦!?鷈r右發現一石室!鼠入去望下,因洞頂不高,要潛入此洞需使用小量爬行的方法,小心撞頭,入到去發現更過份既事,竟然可以右入左出穿洞去到瀑布之後!絕對係呢期最好玩既景點!太神,真係忍唔住要用隊友件衫包住隊友部DC入去一影!!

冒死拍照,你影我影你。

玩完此瀑需要退幾步再攀上右邊巨石離開,上到巨石上發現傳說中既石堆…=_\=
影下相就速逃,續行,澗右又有一石洞。

洞入面有一個小小既雀巢,不過好似無雀仔同雀蛋啦。再行就會穿過一段蛇藤亂置既澗道,睇HkAdventurer好似鰫O度退,我地本來都係諗住跟住玩鰫O度走Cut上右邊婆髻既山脊,但係又唔係好覺有絲帶退路,就係咁一路行左穿右插咁過哂蛇藤區,唯有繼續上源之旅啦。

黃牙果熟透,跌到成條澗都係,採粒試下味,發現澀到哩=_\=…吐都吐唔切。不過唔好食都可以玩= = + 隨心執左一大堆用黎伏擊後置既隊員!NiCe!之後都差唔多係時候大休食午餐,隨心搵個開揚少少既地方開餐,都係麵包乾糧計劃,但係有癲哥哥預備左佢最愛既淡菜加下料都唔錯。

淡水蟹仔,合二人之力將之制服,又係惡到傻係咁鉗人,最後比佢發爛逃走左 XD

去到一個巨石堆的頂部小休一下,突然有隻怪手從下方偷襲!捉住佢拉佢上黎!!成隻阿花拉左上黎!!

又有野玩!!原來下方既水簾又係可以入去玩!!仲可以由下而上穿洞出返黎!

一人一次輪住黎試,洞口極窄,比起石疊峽穿洞猶有過之,先係肩頭頂一頂,過左上身之後要扭轉90度盤骨位先過到!!好癲!!呢次唔敢玩下降啦∼

上源的瀑布,在瀑左的壁上攀,壁上佈滿了青苔,好原始Feel。

斷斷續續都係咁有瀑布睇,但係已經呈現上源蔭瞞澗容,周圍既樹木越見茂密,開始睇唔到個天。

去到最後,發現一類似天書壁的東東,不過本書既下半截已經爛左。溯到呢到都係時候收手,可以鶭禤挩壎k邊出澗。行一段仔少密既路就可以接返山脊大路,都成四五點,二澗連走既計劃一早經已腰斬,又仲有時間咁就一登婆髻山啦。

接黃昏啦,呢個時候婆髻山正係側光,映到山頂既岩石層次分明,好有質感。一步一步向山頂進發感覺不錯,去到山腰既時候,一陣陣山嵐由白芒的山峪中湧上來,夾雜著無數小水滴,打在面上的感覺太好!

仲出現彩虹!絕讚!去到岩石帶發路邊有一酷似豬頭的石堆,花花果然專業照著一眾機佬既指示擺Post,真係要向我地最出色既麻豆花花致敬。

山頂在望。

攀上巨岩帶後就到達山頂!小休一會影下我地今日既戰友,涼鞋X2、拖鞋X2…

回望登山的路段。抖多一陣就係時候閃人,邊行邊睇日落啦。

癲哥哥思念著遠方的山。經過婆髻薄刀山坳的大路落山,好快就返到去東涌。

2005年8月28日

返回上頁返回首頁返回頁頂

 

Email