溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖田壁峻

田寮坑算是較少人遊玩既一條石澗吧,早在上年玩TC pretrip 時落探員發現田壁峻時,經已一路嚷著要一探這支石澗了。可惜太多大澗排著隊要到今時今日先輪到佢。一遊之下發現驚喜不絕,精華中段接二連三的出現配以短瀑的精緻水潭,實在係嬉水既良地。

隊員:King, Pui, Lok, ABC

 

原定0830東涌活動集合,競競未收到改線通告走左去陰澳,要花多五個大洋搭車去東涌…同abc在大家樂食通粉既時候巧遇竺師太,寒喧一會後佢老人家就先行出發去東龍閒步了,而人稱活動發起人既落探員到0930都仲未見人=_\=電聯條衰仔話會自己追龍,結果等埋競競到步就立刻出發了∼

為左追返錯失左既時間同唔好俾落探員咁易追到,我地以時速5k既速度,沿海旁大石屎路直踩到大蠔涼亭先坐低等佢,順手嘲弄一番「龜黎架」?

合流後入村,因為被小否攔路,於是在村屋群之前入澗,入澗位還有一支炮=_=

澗道都算企理,不過話哂都係經過村落的下源,暫時都係唔好落水住,要踏石而行。上溯不久便有分叉路,這時選取左源。

很快便開始精華段了,一個半月型的水潭令到眾人忍唔住要大休玩水。

潛入潭中看池魚,水不是極清,但能見度亦算不錯,加上全個潭也照到陽光,感覺幾乾淨。沿著水潭潛到短瀑之下,最深的地方有兩米多吧。嘗試沿瀑上攀,但手腳位不良最後都係失敗左…

在左邊攀上瀑頂,發現上面有小石堤及一個更大的水池。

三人使出合作技「Final Fusion」與石堤融為一體,成功將池水將至最大劑量,幾十平方米水潭水位上升40cm,差d將落隊員的Switch 14浸沒!功敗垂成真可惜!

再起步,澗中發現一巨石堆砌成小通道,不知何時起賊人們見到洞就會不能自拔地要穿一穿,明明側邊有大路都唔行係都係穿洞=_=

穿洞後經過芒草輕點區又有新景觀,這是一個配有一雙短瀑的長廊形水潭。

潭水頗淺游得唔銣痋A但係可以游到水潭盡處鼠入瀑後小石室,隔著水簾觀天的感覺十分奇妙。

享受水力按摩十分受用,但係咁泡浸在冰涼既潭水中都唔辨法,玩到失溫手指開始麻痺=_\=

同競競二人用最大既身體表面積緊貼地上,吸取地熱rebody,爽!就係咁又玩左半個鐘!

之後的澗道收窄了不少,四周的樹木又增加令定位出現困難,我們在一個極窄的左右源分叉位猶豫了很久,最後決定選走左路。

走沒多久澗道稍為開揚了些,落探員這時鼠上右邊的草坡上,看到田寮壁就在我們的前方!確定方向正確!

最後在林蔭澗道中再經過兩三個中小型瀑布便到達田寮壁的底部,嘩真係「考朱打」!高到七劍下天山!水量都算係咁叫有d瀑睇下,但係塊壁真係超級唔User Friendly,成塊都係濕壁接觸不能!

同阿落意圖先行上去瀑頂影相,在瀑右山路上攀,條路差到呢!極斜碎泥石坡附送無限不知名洞穴,除左受盡荊棘落石既威脅,最擔心都係唔知洞穴入面有無d長條形的住客…一陣爬爬下探個頭出黎SayHi就真係嚇鼠阿叔!

一有機會即刻鼠過草叢打返出巨壁中段,但係巨壁上段是呈70度斜度的濕壁!很難走出去影相,宣佈行動失敗…大叫壁下的隊員撤離後我地都繼續上攀到壁頂。

壁頂大休午餐嘆咖啡,順手洗一洗剛剛抄山路時的泥塵。離澗之路就在壁頂附近,隨意地沿草坡大方向鏟上山頂石群。


玩到呢度大家都一早放放棄左下半程既田字灣坑架啦,都係山頂大休玩石吹吹風吧啦∼


晴是永遠著迷,終極好天既既日子,玩兩個爛鬼石堆都可以Hea成粒鐘,搞到最後要趕返工既a先生都少理我地先行孤身上路回去。

玩到成四點先捨得動身離開,回程路上亂得傳說中既仙桃石,隨便合影一張繼續上路,經望渡坳閃返出大蠔,最後一段海旁大路三人又離奇地燃燒哂餘下既能源7k爆返東涌,完全唔明行咁快做乜狗!?癲架咩!?

2006年9月17日

返回上頁返回首頁返回頁頂

 

Email