溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖黃龍石澗

路線:東涌打的再至赤蠟角新村起步,入溯黃龍石澗至三龍峽,經新三險上二東山岰,鳳徑迷路大半小時後覓得正路落伯公岰…最後生還。

隊員:Pui, Lok, Wai, Tong

 

話說上午三人一探豐水北龍後返回東涌小休補給加吃個午餐…

午飯過後會合阿棠,四人再次出發!走返今朝條舊路入黃龍。
大澗大澗,十分開揚,想點行都得。而水量只會比北龍更甚!!!

路過臥龍澗口,尚未夠膽一遊這五星之路。不消一小時便可以慢走到黃龍主爆。

超級精彩!! 成個瀑打橫生開,一幕水簾蓋落黎!腳下既跌水潭都係一絕!大雨過後全無枯枝雜物,最深三米的水底亦可以一眼望到底,真有好多小魚銂a,可以捉下魚仔。

玩跳水唔小心跌左眼鏡落水底都執得返!d 水真係清到呢∼阿棠既排雲怒跳十分精彩!仲有水泡玩!太開心,完全可以忘記左前兩日話黃龍坑有吸血蟲既陰影!!

玩完水又玩下砌石堤阻下水,有Feel~ 但係藏龍之旅再黎既時候石堤已經冇左lu~
大休了很久,係時候起步,從左方岩石小攀至爆頂離開。

主瀑後另一個不俗的水潭,亦係大休既好地方,旁邊有一個好似小石室咁既東東。

行行重行行,已經遠望到三龍峽了!遠方的白水就係左龍爭珠!到達!!!

左龍爭珠氣勢不凡!!可以起下面練功!!高手過招!阿威排雲一擊大敗阿樂。

左龍之後便是右龍,沒左龍的雄偉氣度,但流水隨穧茪U,配合周遭草木,多了一份雅致。右圖已是龍尾瀑,瀑下有棺材潭乙個,潭水默綠,十分嚇人。來到這裡已是三龍盡處。需回走幾步,在澗的左邊有新開的路上新三險。

舊三險的藤梯崖,而家只有藤、繩、崖,仲要係光滑直崖…算吧啦。在左方有路可以繞上藤梯崖頂。

第二險!懸壁棧道,絕對刺激好玩!

越過懸壁棧道後便是觀龍台!呢個台真係唔講得笑,企上去可以睇哂成個三龍峽同一大段黃龍石澗!但係真係R到爆!行出一步已經係千丈絕崖…

最後一險-蛇倒退,蛇上唔到,但人上就冇乜特別。

之後就係絕頂惡搞既出澗山路…係咁鏟50+度爛泥路、小灌叢至二東山腰。

D 辛苦野都係唔好提啦,睇下日落吧啦…之後近頂既時候睇住大東山被濃霧蓋過,湧下來。最後接返鳳徑已是身處濃霧之中,四人只有一個電筒、糧乾水盡,仲睇唔到鳳徑大路既路口!!迷失於爛頭營15號!!!要打電話求救!!!

最後終於搵到路,搞到成十一點先落到伯公岰!!仲以為要起大東過夜 = .="

2004年5月10日

返回上頁返回首頁返回頁頂

 

Email