溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

地圖屏南石澗05

又係一次久違了既大Function,本來總參加人數應該有 20+人,但係由於威小隊及競小隊雙雙放鴿子,欠席率達40%。幸好搞手癲佬做到野黎一個八星伴月!勁!!

隊員:Pui, 鬼, Lok, Terence, 棠, Johnny, Kona, Sui Kei, Dino+8

 

十點粉嶺火車站集合,只有Kona, Sui Kei同特倫斯罕有地準時,其餘隊員全數遲到。最後放棄剛出門口既隊員棠,順手老屈佢買兩個西瓜黎。

癲佬的小花,八星伴月太癲。但係完全唔似同學,擺明係師妹。全數都係新腳,一拖八咁得戚!? 一陣睇你點睇得哂,哼哼!!

南涌落車先睇一睇鴉洲順手等一等阿棠,大約等左一個小時,在涼亭發呆…特倫斯出動防曬0度既黑鬼油…

等左好耐都未見人,決定分AB隊,Dino小隊先行出發,並由特倫斯護航。

B隊隊員強尼睡著了…阿棠終於抵步…如果唔係為左兩個西瓜,一早閃左人啦!!

走過熟悉的南涌馬路,旁邊是X屋X屋小村落,一直去到盡頭水壩入澗位。甫一入澗發現極大量泥黃色的洪水由地龍湧出。嗯∼今日既水量應該都唔錯。

Team A大約先行出發半小時,但係一入澗竟然就見到佢地…睇黎今日都係漫遊之旅。唔理咁多,遇到第一個小瀑小潭就收埋相機落水玩玩先!

依小隊既步伐,可以慢慢玩盡每一個潭瀑。玩水既時候不時傳來一眾隊員既尖叫聲,照顧隊員既重任就交比體貼既 r Tong 同細心既 r Terence啦。玩水∼

到達小水壩,使出六人合作截流技。儲左好耐水,儲到滿瀉先至放水製造山洪。

下一站草裙,我地就在瀑下的跌水潭旁邊大休。癲小隊咱X預備好既食物開餐。

而其餘隊員梗係落水玩啦,立即游過瀑下大潭捐一捐個裙底,豐水既草裙實在出色。

真係暑氣全消,瀑布身後飛瀉而下打在身上,冰極!!

太吸引,連癲小隊既女孩子都忍唔住要過瀑底玩佢一玩。玩澗真係唔可以唔落水!!

玩到失溫!             全員暴斃瀑底。

潭中暢泳,隊員樂可以放呀Peter仔出黎游下水,都好耐無同佢出黎散步。

六舊腹肌、X舊背肌既癲哥哥。水底影水面,面容扭曲既強尼。大休完畢繼上,路過老龍潭沒有停留,首先同阿棠運送癲小隊離開。

路過巨型壺穴,唔小心跌左落去。   太過份,十分威的癲佬。

二人同遊技。            另一邊可以玩一玩激流旅程。

中游出澗前最後一關,一個小攀爬位,但係對於一眾新手隊員黎講真係挑戰十足。幸好在一眾隊員合力下,全員安全攀過。隊員Kona同張張可以自生自滅,值得一讚。

殿後組隊員在壁下浸浴,等其餘隊員全數脫出最後才上攀。

越過這個壁位後便是中游的出澗位,癲小隊在此撤退。辛苦哂各位隊員啦。臨走既時候有隊友問可唔可以全溯至老龍田…勇氣可嘉,可惜被癲佬拒絕了。但係估唔到Kona 同埋Sui Kei 會繼續上游之旅,真係可造之才。

餘下隊員在出澗位的小潭休息游水。此潭水深米多,潭中有一個半浸在水中的石台。隊員特倫斯在潭旁曬太陽。

魚樂無窮,潭雖淺但係極多游魚,黎一野深潛發現無數魚兒在身旁穿插。連Kona同Sui Kei都忍唔住落水游埋一份!!

阿鬼在水深米多的水潭中練水,極力爭扎中。點知玩玩下發現水泡穿左漏緊氣…

西瓜計劃!!真係好耐無玩澗食西瓜!極有Feel。通常只係大隊閒遊先會有既食品。

開始上源之旅,經過九疊潭及肥豬石。

極廣闊既澗道,可以6K跑澗!爽!九疊潭有好多位都可以玩閘水遊戲。Kona 妄想繼續唔濕腳,被隊員樂一野背負投掟落水,哼哼!

雙瀑!其實唔止兩層,上面仲有一兩層!上攀第二層果時有個位幾考人,小心應付。 兩年前就係起呢度跌左眼鏡落去雙瀑中間既跌水潭中…

呢個瀑可以一跳,但係需要極大既勇氣,都係安全第一放棄吧啦。

由於時間關係,要加快腳步前進,路過不少清幽小潭。

在老龍田臨出澗既位置,有一個極出色既天然滑梯!滑梯上下均是水潭,可以先在上面儲水,再放水滑落去!下面個潭有兩米深,小心D絕對安全唔會撞石。頭下腳上咁落係一個極出色既玩法!真係多謝隊員樂拉住我隻腳等我可以享受激流既樂趣。

玩完滑梯玩跳潭,比起四疊十米高台呢個真係唔算係乜,但係可以好放心咁玩花式!極出色既玩意,平均一人跳左兩三次,雙人技空中擊掌太精彩,可惜只拍了Movie。

最後玩到筋疲力竭離澗…出澗時差唔多六點,Good Timing。沿南涌郊遊徑離開。

黃昏既南涌漁塘景色,仲可以遠望到沙頭角等地。

返回馬路,使用尚餘既體力玩一Hit攀牌樓…

再黎一張完成合照。沿南涌馬路離開。

開始入黑,月亮都出左黎啦。返到路口撘小巴出粉嶺食飯。

 

相關連結:

2005年5月22日

返回上頁返回首頁返回頁頂

 

Email