溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

地圖鯽魚湖石澗

源起大枕蓋,下游與秋楓石澗一同匯流入北潭涌,有著典型西貢東水系的特色,與同系列的秋楓石澗相比有較多狹小的幽峪路段,中段舒適開揚,澗內幾口清潭皆是嬉水的良地,此澗確是夏日消暑閒遊的精品。

隊員:c太, Syl, Pui

 

閒日閒遊團,九點鐘大學火車站集合,乘搭專車直航入北潭涌,大讚-w-

泊好架靚車10點正式北潭涌起個靚步,沿馬路慢步入鯽魚湖,入澗位置就在郊遊徑入口旁邊。

穿過一少段蜘網小路就可以去到秋楓石澗的下游,呢個時間就要先下行幾步再左轉先係鯽魚湖石澗,個下游黎講呢都係平緩的林蔭澗道,不過環境都唔算太差。

脫離林蔭之後是一系列的幽峪長廊,15分鐘就到達是日第一個景點,長方形水潭一個。

半個潭被陽光照射透底,來回暢泳無數魚仔身邊穿梭,有起海入面游水既感覺=_=


要越過此潭一係全身入水直線穿越,一係就退兩步在潭口繞上左邊的竹林小路,好快可以落返石澗,再十分鐘就脫了長廊段,澗道變得開揚。

短瀑青苔小潭一個,跣到癲∼Size細到加上有舊大石在池中央。

完全游唔到只可以泡浸,潭後就是一個佈滿青苔的小堤壩。


接下來一段都是開揚澗道,有陽光直照感覺良好,金橙色的澗床與搖動的樹影永遠是最好的配搭。

一路上小潭數疊。

漫遊模式下中午12點就到達了獅子觀瀑,準備在這裡午餐大休∼黎講呢,觀瀑隻獅子應係樓上左面果舊岩石,形態就唔係好feel到架啦,但整體黎講獅子觀瀑個環境都算唔錯既。

老媽努力預備午餐既時間,我地就嬉水曬太陽等食,正架!樓下個跌水潭細細地都有米幾深可以一游架,仲可以同蝦仔玩下遊戲,有興既話可以挑機下左壁橫移,不過最後只可以係跳潭收場。

開餐時間,有老母出手就梗係大魚大肉一番樂再附送多個糖水環節∼飽到呢∼

1330灌埋最後一口糖水就再起步,在瀑左岩脊輕鬆上攀至瀑頂。

瀑頂沿山峪直望,看到的是浮雲樂加雷打石畫眉山及露出個頭來的岩頭山。

再來一個二段流瀑,中間有一個面積很小但有兩米深的水潭,可以差錯腳玩消失地平線架=_\=

點知行兩步就有個更癲的水潭,呢個亦有二段流瀑,二瀑之間的這口潭…超詭異,深不見底,陽光直射下潛落去都見唔到底,應該可以通往美洲=_=!


續行,發現大休的好地點,最大的水潭竟然出現在全澗的中後段位置,SIZE夠哂使出誠意撻水架,力推下次再臨之時在這裡開餐∼

過埋呢個潭澗道就開始收窄,無耐進入疏林段,時而要游藤前進,重見天日之時出現於面前的是此澗最後一個弱水流瀑,沿瀑右的濕壁上攀越過此瀑。

再次進入疏林區,鯽魚湖全澗宣佈完成,這時依著出澗的絲帶小路,穿返幾十米灌木叢就可以接到登大枕蓋的小路架啦∼

極速取道西南脊落山,眼前是萬宜永遠的藍,好天得太過份∼!

疾走20分鐘直擊萬宜路西灣路交界位。

途中C太順手捕獲了只竹節蟲,最後不知怎地一路潛伏在C太的背囊還搭了家姐的便車,歸途上一直死命吸付著車窗的玻璃,由北潭涌去到西徑一帶先力歇墮車=_\=

 

相關遊記:

2007年7月10日

返回上頁返回首頁返回頁頂

 

Email