溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖長情坑

一探久違了的西徑,可惜景觀只是一般,中下段兩道中型瀑加一塊極惡黑崖瀑,大水既話應相當可觀,但今日就只係一塊青苔濕壁,無野睇又唔玩得。

反而西徑前加料一遊的長情坑時有驚喜,短短既澗途中絕讚景點密集連發,連澗水都濁得有特色!!

隊員:Pui, Lok

 

九點半馬鞍山集合,早餐後299入西沙公路,無厘頭地遲左一個站落車,於是決定加遊一下西徑坑隔離既長情坑。我都係今日先知原來長情坑起呢度,之長淨係聽過個名,好采隊員樂做功課做得足。

落車向前行多幾分鐘就到左長情坑既入口,位於一個公路既轉彎位,有石級接入澗。從遠處經已望到澗道初段的巨壁及隱約的一道瀑布。

入澗不久澗道左轉,到達巨壁之下,立於開揚之地,可以一睹崖壁全貌,氣勢非凡!壁下有一池,水色濁玉,甚具美意。

此壁好睇得黎又平易近人,可以任意攀爬,選在壁右上攀,左面都好似OK。天晴左好一陣子,岩壁十分乾身,Friction 120% up,手腳位不缺,好好玩既一塊壁。

在壁頂回望,仲未見到西沙公路,只見到有D車影在林中閃過。壁上發現很多水務設施,如果淨係玩呢一塊可以原靚路離開添!真吸引!不過難得黎到呢D澗仔,都係再探一探,唔係都無乜機會再黎。

繼續行程,澗道右折,有一小堤壩及水潭,小堤壩仲 Set 左繩仔可以玩。

壩後的水潭…嗯…濁玉啦。想唔濕身濕腳越此潭可以一試踩鋼線既方法。

又有景睇!穿過一段林蔭返出黎發現一個兩層的級瀑。

一開二,二開三咁落!好景!

兩級之間又有一小池,很有趣的格局。決定大水再黎一遊,應該會極出色!

點知驚喜繼續黎!行多幾步竟然入左一個石峽,左高瀑,右直崖!瀑流勢呈新月形,集中了流水,水量不俗!最喜歡瀑右的丹崖,橙色的岩石伴上瀑布十分雅致。右邊既直崖亦係一絕,手腳位無限,唔單挑全直果一 Part 應該可以輕鬆享受一下攀爬之樂。

上右崖頂回望瀑峽,有一條大消防喉由崖頂駁左落瀑下的小潭,作用不明之餘更加有礙景觀…在崖頂回望下游景色,可以遠望到剛剛的兩層級瀑。

高處未算高,在崖頂又有一巨岩組,可以再一登更上一層樓。過埋呢站都差唔多,開始進入林蔭段,中途D小潭小瀑全數不理。

發現開始進入了廢村的範圍了,有一些破落的建築物。再溯多一陣會見到一小堤,在堤右發現有一明顯的山路,再繼續上溯既話會去左黃竹洋廢村出麥徑,好似唔係好順路,決定澗右小路離澗。

一路都好明顯的山路,走勢似是翻過山咀接往西徑坑河谷,但去到山脊的時候路竟然完全消失了!!搞左一輪唯有爆林落澗,接左去西徑左坑左源…

堪稱人跡罕至的境地,都有d大型石脊爬下,但係上演左兩幕奪命的落石驚雲!

左右源合流後又有返水,近馬路位置仲有個人工水池。最後在馬路邊爆返出黎。沿馬路向西徑坑進發。

2005年10月9日

返回上頁返回首頁返回頁頂

 

Email