溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖西徑坑

一探久違了的西徑,可惜景觀只是一般,中下段兩道中型瀑加一塊極惡黑崖瀑,大水既話應相當可觀,但今日就只係一塊青苔濕壁,無野睇又唔玩得。

反而西徑前加料一遊的長情坑時有驚喜,短短既澗途中絕讚景點密集連發,連澗水都濁得有特色!!

隊員:Pui, Lok

 

上午完成了驚喜之長情坑,剛剛下降完西徑左坑閃返出馬路,準備再去西徑坑。

轉到下一個馬路彎位就係西徑入口。水質比長情清20倍,睇d水草幾咁健康就知。

西徑第一瀑,中等 Size,流勢一般,過。瀑左攀越。

中途行裝打落了一條肥蟲,直墮隊員樂的腳上,型!!上到瀑頂回頭一望見到烏洲!

第二瀑,藏於一峽位之內,有一個長形水潭隊員樂冒著暴寒既危機試水!!就地大休開餐!!使出久違了既開爐大休計劃,豪華之出前一叮餐肉麵驚現,隊員眾感覺之大滿足!!!

大休完了,可以退出數步返回正路上攀,亦可以就地大斜線向右鏟上坡再橫攀過瀑右的石台,石台微微外斜加上有尖刺阻路,都幾驚險。

上到瀑頂抬頭一望,得賞傳說中馬鞍山既獨特形態。之後再經過一段林蔭澗道,不過時而有小形潭瀑點綴一下。

毫無先兆之下澗道突現一超大型落差位,坐在崖底完全望唔到頂,真係好高!同東龍既連環瀑有得揮!!但係呢個形勢就極惡,全流水青苔濕壁,絕對玩唔過!今日水量微弱,無乜睇頭,打算先上頂睇一睇有無閘水位製造人工瀑布,在崖右有正路入林上攀,用十數分鐘既時間先典到上頂!但係好可惜崖頂無乜閘水好位置…

再望企嶺下海,好蒙。之後的澗道急速收窄,越行越唔對路,起死水、叢林既環境底下爭扎左大半個鐘,終於搵到條出澗既路…中途只有少量位置可以遠望到背哂光既馬鞍,其他都係林景…

條路長到西,要再暴走多大半個鐘先返到麥徑大路。最後落水浪窩完成,環繞左呢頭一大一細兩個圈。

2005年10月9日

返回上頁返回首頁返回頁頂

 

Email