溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

地圖鯽田

路線:北潭路起步,上溯鯽魚湖乾澗,源末離澗山路408大枕蓋。經田尾山下降西灣路,覓得不知名荒坑下降萬宜水庫。試綑橫頭墩一段內湖碎石爛泥斜坡,近賞水徑頂後繼續沿湖邊綑至田尾坑,極速跑澗返回西灣路完成。

隊員:Pui, ABC, Sylvia, Chyee

 

十點陳權記早餐團,人齊打94巴入鯽魚湖落車起步。

郊遊徑入口路牌後覓路入澗,大家都十分Gentleman地支持Lady First。先入秋楓石澗,下行幾步左轉入返鯽魚湖石澗。嗯…乾坑,暴走算了,可入竹林路避走一段路。

在這個水管位再入返澗。澗都算ok大既,可惜未有水。

無耐就入左一個死胡筒位,要澗水攀濕壁過。

之後都係一般石澗模樣,途中有一小潭,此澗黎講算係頗別致,有水可以嬉水一番。


中段澗旁有好些棧道位,唔落水行可以攀玩下。

一直去到獅子觀瀑才有真正可觀的景點,十多米的乾水瀑壁變成一道筆直黑崖,獅子觀漫大抵係講瀑左上果舊的巨岩呈獅子模樣吧。瀑下跌水潭雖小但都發現到有很多河蝦。

隊員abc 優先登瀑,但十分之睇唔開由瀑右抄林上攀。

黎講瀑左才是王道,有大量露岩可以輕鬆上攀兼有趣味。上到瀑頂回望,視野開揚了可以望到雷打石。

過獅子觀瀑,後段澗道再過多一兩個中型瀑壁便會突然收窄,進入了亂藤境地。

左穿右插越過亂藤,重見天日之時發現身處一巨壁之下,左中右路都可以上攀。

過此壁澗道就正式收工,覓林路由山坳位鼠返出黎。

再由大路上大枕蓋。遠觀萬宜水庫,依舊係奇妙既粉藍色。天氣無預期中咁差,起碼無落雨,決定依照原定計劃一綑內湖=_=。

山頂小休午餐,ABC隊員仲帶住佢個過左期成個月既小牛旦唔知想點…山頂大風到傻左越坐越凍都係頂唔順,合照一個就快手快腳閃人。

一登田尾山,在南脊覓路落山,山腳有斜坡工程在進行中,好似工人比我地就起地盤範圍鼠出去∼Yo。沿西灣路繼續向西灣方向行一少段,睇下邊個坑位可行就鏟啦唔理咁多。心諗落水塘區區幾十,點密都應搞得掂,而且條坑比我地預期中仲好行,係一兩段要游下藤同捐林,下段仲幾開揚下,有瀑=_\=,唔錯。

下段有d碎石位,眾人紛紛使出落石技,好危險。最後終於到達內湖的河口!

有好多白色巨岩,岸邊果d仲排得好整齊,可能係舊村遺蹟。

嗯…水庫的水位好低呢,d水退到好出,近觀湖水仍然係粉藍色,靚得好奇怪,一定係有毒!小休一下,享用水果小姐分發的禁果。

遠觀水庫邊緣,見到全部都係45度碎石坡,已經預計到跟住落黎既行程會十分之濕滯…有覺悟既眾人抖擻一下精神就開始內湖綑邊之旅。

開始無耐就在湖邊發現到有一些奇怪裝置,開始以為係坐位,ABC同Sylvia試坐一會就成個解體,果然夠份量,之後痴隊員解釋可能係釣友留下的擺放魚桿裝置=_\=。

再來又發現一個類似碼頭的東西,一條路直伸入湖裡。繼續十分漫長既綑邊之旅,兜個幾個圈,翻到去岸咀既另一邊就見到傳說中既水徑頂!

嗯…都幾大座黎講…遠觀到對岸有個位同水徑頂距離極近!再細水d唔知可唔可以行過去!?哇但要去果個位仲要兜多十幾廿個灣位先去到…中途仲誤墮了陷阱,成隻腳比泥漿吞左…終於到達!!觀察一下…睇黎一登水徑頂應該要無限林藝,今天絕對無呢一個覺悟…探頭入水裡看看,發現水位出奇地深,以為兩岸距離咁水位深極有限,點知斷估都有三四米,見唔到底。

放棄登頂既諗頭繼續綑邊,由於時間關係,繼續同條湖邊搏鬥都唔係辦法,打算放棄計畫中既田尾脫出,於是一而再地研究地圖,睇下可唔可以搵返橫頭墩落黎條路,去到橫頭墩個岸咀,有一大片平地,有180度湖度,幾好Feel。

在這裡找尋出路不果…唯有繼續綑呀綑…時若五點半,見到田尾果澗口位啦!綑內湖真係好令人氣餒…明明勁近既對岸,但就要兜入內灣行多成倍路…可以既話一野撻水游過去你話幾爽。

最後呢一段路最為濕滯,湖邊的泥坡比之前還要碎,跟本無從著力,隨手抓一塊石都會成塊拔走,唯有行上路,靠上方的枯樹根雜草龜速前進…

幸好最後一段路終於有前人行過既痕跡,可以跟住隱約既小路前往田尾坑,雖都係好碎下,但比起剛剛已經十分之好行。六點幾終於去到田尾,水位極低真係唔認得。

天開始暗,幸好乾水田尾極易行,一路暴走至丹壁崖瀑,零水!勁!!

估唔到竟可以直攀丹壁瀑,全員左中右三路分頭上攀,好惡!

最後過埋放翠瀑直達西灣路橋底出澗,沿馬路奔跑返出去北潭路撘車…趕唔切上堂…出西貢食飯算數=_\=。

2006年4月16日

返回上頁返回首頁返回頁頂

 

Email