溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

地圖蜥蝪坑

路線:黃石碼頭海路狂飆至旦家灣起步,水管路至蚺蛇灣,山腰林道訪千溪海岸,覓路入蜥蝪坑不果,回頭路登北脊二段,攔腰怒鏟三級密林,越鶴環背雙脊進入蜥蝪坑,上溯迷離蜥蝪坑穿峽門,接返大路登蚺蛇頂。回程赤徑乘船暴寒完成。

領隊:小DD
隊員:Pui, Lok, King, Fa

 

西貢巿集合早餐團。出發黃石碼頭,小DD請搭中飛!! 萬歲!!

繼打的入東壩後又一豪情!搭上東海雙辣,兩位辣妹一開船就係咁飄移!!兩艘船係咁左右穿插!出色!唔使10分鐘到達旦家灣!

我地果艘船勝出!!最後從後趕上加拋離十幾個船位!勁!

落船後旦家灣起步,經水管路步至蚺蛇灣,霧鎖蚺蛇,但都仲睇到米粉咀。

下降蚺蛇灣,行錯黑路,被條河阻住左再附加鏟荊棘竹林環節,隊員樂小腿爆裂。蚺蛇灣,好似又少左攭U圾,唔錯唔錯。

爛了腿的隊員樂。於是搵灡草比佢包扎。

即刻無事。             灣旁的心形石。

發現一條之前未行過既舊路給開大了,可以一試。中級林藝,好快便到了千溪。下降千溪的路竟然鋪左石屎,整哂梯級,離譜。

千溪海岸遍地滿佈圓渾的石頭。

在一類似青蛙的石台留影,上次同阿競黎到呢度已呈撻皮狀,無心賞玩,今次補返。去返上次食回魂梨既地點,感觸良多。

天陰陰的千溪海岸,景致亦暗然失色,都係要大熱天時黎先好玩。在千溪找尋入蜥蝪坑的位置,但沿岸皆為密林所據,高手亦望而卻步,只有裝備打草機才可以殺出一條血路,如今赤手空拳既我地只好撤退另覓進路。

結果決定返回北脊再橫腰突入,上攀北脊二段,發現有趣蛇脊骨一條,十分綿長的一條石脊,兩邊皆有兩三米高,攀在脊峰上感覺良好,特別係林競過後。

接返北脊大路小休。

進入今日既林藝教練既考核路線,分三段進行。第一段熱身區域只為輕柔芒萁,幾好Feel,但已被林藝會長輕易拋離了。

第二段進入鶴環背雙脊之間的山谷,變成濕泥枯棘林,一個不小心就會好似隊員樂咁來個陰溝裡翻船。

幾經辛苦終於完成第二段,進入了蜥蝪坑!就地大休開餐,抱著閒遊心態既隊員完全沒有預備午餐!幸好小DD伸出援手救濟一眾山區饑荒兒童。

午餐後上溯蜥蝪坑,開始第三段枯樹碎泥段,坑內石塊極鬆散,大有落石之危機,若隊員威出席是次活動恐怕會全船陣亡。中段遇有一濕滑斜崖,研究過後覺得搏唔過,決定從左方碎濕泥坡繞過此壁,很多看似可靠的粗木都係陷阱,一拿上手成條斷開!!

繞過濕壁切回坑道,山下飄來濃霧,增加迷離氣氛。

進入最後階段準備進過峽門。

傳統玩法係直出峽門,非傳統玩法係過門而不入,起旁邊鏟草坡越過…

登上蜥蝪脊下段的小峰,大霧到乜都睇唔到,能見度只餘5米。放棄蜥蝪脊二段,經過謎一樣既枯樹地帶,接返大路上蚺蛇頂。

身處雲霧之中的眾人。經過一密林既試鍊,蒼老了數十年,早生花髮。玩到成身泥出返黎,所有淺色裝備全部變成泥灰色…出到巿區應該會比人當 II查辦。

大路下降蚺蛇岰,中途遇有雲海,雖然唔算十分精彩…

落到大浪坳,快步暴走出赤徑搭船離去!兵分二路撤退,一路聚餐西貢巿,二路暴寒馬料水。

 

2005年2月20日

返回上頁返回首頁返回頁頂

 

Email