溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

地圖馬西石澗

馬西石澗,傳說中既舊九大之一,今次由龍尾村開始入澗,下源河道十分人工化、平緩無景仲要加小量密,應該一探之後要十循環先會再去。

三人閒遊,原定路線上馬西落西徑直線連走,可是一入澗就亮起雷暴警告,頭頂係咁行雷閃電再上暴雨,情況可謂極之惡劣,幸好最後無比雷劈又無預到山洪,暴雨仲將整條馬西變成了激流,水量之大為本年度澗線之冠!中字瀑之氣勢只能用霸道同狂野黎形容,太癲。上源激流之旅玩到失溫,合乎一貫既作風腰斬一半行程放棄西徑石澗,極速水浪窩閃人。

隊員:Pui, King, 費林

 

本來約左九點大學站美心食住等,但係昨晚怒Bid Sony Cyber Shot U60成功左,極速完成交易,早上先出彩虹交收,改為西貢市集合。

西貢市集合後步至沙角尾,入村擾攘了好一陣子,發現前路為小否所阻,為免打擾小否休息決定混路行,出返馬路經豪宅地區入龍尾村。

在這個三叉口,左轉沿大馬路前進,未幾到達龍尾村,入澗位便在村口。

初段澗道十分平緩沉悶,加上天雨地濕路滑,感覺極差。來到這裡前路更為巨霸所阻,要在左方穿荊棘翻上霸頂…點知再行前發現前無去路,唯有左折闖出車路…

馬西下源被車路攔腰斬開了,左轉上行數步便會再遇到入口。

第二段開揚了不少,但澗道依然沉悶,仲發現ii之家…繼續前進,這時雨勢越發強勁,情報人員來電告知雷暴警告現正生效…

頭上雷聲大作,感覺到閃電的位置極近,加上腳下的流水突變成混濁激流…R極。打醒十二分精神繼續前進,到達了一石橋,在這裡見到污泥水的來源來自山邊的爛泥,過左這小橋後,溪流又回復清澈,立時鬆一口氣,頭上的雷聲亦慢慢消失了,太好!

過小橋後的澗道開始上升,而且有不少小瀑布,平日可能平平無奇,但係經剛剛的暴雨洗禮後,全部流量都變得極之強勁!!又一次激流之旅!

閘水計劃!完全失敗!一坐落去就滿瀉!

激流!沿水道上溯,水壓將手掌鎖在岩石上,完全摸唔到手位!!

攀水簾!


水量何其過份!試機盡顯U60威力!!太爽!!

玩到失溫,頂唔順,又話成30度既!?

之前都係激流不斷,澗水從巨石之間湧出!!極好睇!!小競又黎一HIT怒攀。

高潮疊起,又一全滿的Z型激流水道。

越過水道後澗道左右開源,我地就在這裡大休食午餐同西瓜!
左源入口為一弱流瀑壁,可以沿瀑右攀至瀑頂。在瀑頂睇下風景後落黎繼續主源。

上埋呢幾層就到達中字瀑既下方啦!但係上呢幾層野都好惡搞!

極出色既中字瀑!!分左三層,上望見二層但係見唔到左折了的第三層。
最底呢層無爬上攀!!!傳聞威哥仔曾不自量力挑戰此壁結果被困收場…=ˍ\=

此時可以在右方山路繞上瀑頂,中途有一觀景台可以一睹中字瀑全景。太過份!!堪稱本年度最過份既瀑布!!極之狂野!!

上兩層之間有一小型跌水潭,嘗試下降但係太大水放棄了!

過中字瀑後再走一段平緩激流,便到達了今日行程既最後一個單層的短瀑!

亦係今次馬西石澗之旅完全既地方,在瀑右有山路可以接回麥徑,路不算密。
失溫太勁,決定放棄下降西徑既行程,直出水浪窩收皮。

2005年6月4日

返回上頁返回首頁返回頁頂

 

Email