溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

地圖九逕老虎坑

自九逕山北行發展出三道平衡支脈,構成了兩個狹長的坑峪,東面一支為丹桂坑,西面則是今日閒遊嬉水的目標物「老虎坑」。由藍地水塘開始2k沙澗模式的老虎坑旅程,雖無危崖高瀑可賞,但全程90%開揚澗道附送兩三口清潭可供浸浴,亦是炎炎夏日消暑既好去處。

如果唔計最後誤信蠶言,搞到要烈日登山加悶走引水道,絕對會係完美的一天=_=

隊員:Pui, Abc

 

10點富泰h集合,成個商場除左老麥就只得一間茶餐廳,無沒選擇的餘地。

完成補給後起步,在寧泰樓後方覓得林中徑進入虎地下村,穿過果園、祠廟,在一工地旁邊發現坑渠般的老虎坑下游,進入石橋右邊的小路,至一民居門前便要轉入竹林小徑,期間會有四五隻臭否一路隔著鐵網瘋狂叫囂。

未幾到達老虎坑水塘,即係藍地水塘。嘩d水色好詭異,坊間傳聞有鯉魚精居於此塘,會拖人落水塘玩,真係頑皮。

為左唔打擾阿鯉魚,都係唔好由水塘入澗,沿旁邊的山路行多一段先覓路入澗,入口附近立了一塊聲稱有50年歷史的植林紀念碑可以一影。行多兩步就可以隨意由疏林碎泥坡落澗。

正式開始老虎坑旅程,意想不到的開揚大澗,仲要係飛佛既沙澗模式∼nice~

離開左樹蔭一陣經已overheat,abc決定就地搵個水深及膝位進行佢個人既08下水禮,同我地既玻璃水石環洞相比…簡直係慘不忍睹。


誰知百米以外經已出現是日首個水潭,雖然最深水處亦不過米餘去到心口,但勝在size都ok大,浸泡一個先唔好等。不過沙底池,踩兩腳就捲起哂d泥沙架啦=_=

繼續,一路都係超平緩澗道,連跑帶跳高速推進完全無問題。

在筆直澗道的盡頭出現小水壩一道,標誌著下一個景點,亦係全澗的最佳嬉水位置,不知何方高手命名為行者池,大大隻字寫左起旁邊。


行者池黎講水深夠哂潛泳加撻水,在水中載浮載沉享受陽光,再唔係可以典上池邊岩石上一嘗流水按摩,都係一個唔錯既選擇。

溫馨提示返:玩水既時候都要小心堤邊的人工物,唔係秀鐵插腳就相當happy=_\=

下一站,長廊型小峽瀑一個,旁邊生長了少量豬籠草∼


全身入水計劃既話推薦水路正面突破,在小峽盡處頂著水流上攀∼唔係既話,右邊石脊上頂放落野返落黎慢慢玩亦得。

再路過一個小池,澗道突然變成沙灘,沙灘後面收埋左條小瀑,可由左邊輕鬆翻越。

睇下錶差唔多兩點,路過一個有少量蔭頂的小池,為免一陣要暴曬住食lunch,二人決定就在這裡休息,浸浴午餐一個先。

咬完包再動,在不遠處澗道再次掂到山徑,主源黎講由呢度退出會係一個好選擇,繼續前進既話只會進入上源的林蔭小澗,環境就唔太差既,但悶囉。再十數分鐘路程又再cut到另一條小徑,咁既環境梗係出澗啦∼

向左走向右走,二人打開地圖研究左一輪都未定到位,雖則好明顯右走出屯門係最快既退路。九逕北面呢帶一向都無乜地理概念,二人以時間充裕為由,決定向左走一遊呢頭。結果開始了乃野的下半場…

沿左路閃人,慢慢攀升至開揚位置,觀察全峪及數山坳位終於確定到位置。身處九逕北面三脈的中支,不想行回頭路既情況下有兩個提議:一.丹桂坑峪;二.翻過九逕出掃管笏。二人選擇了後者=_\=

體力隨著身上既澗水慢慢被太陽蒸乾,走在九逕的山脈上,樹蔭成為了奢望,我地只可以努力追逐遠方的浮雲…

途中一19沖溝位。

越過了九逕的屏障,風景黎講係五星級大讚架,無敵高清海景再加送千島湖一大個∼

但得返半條人命既二人經已無心細賞,只想盡快離開這個活地獄 Orz

幾經辛苦沿荒脊鏟返落引水道,以為好快可以脫出,點知有條街仔扮識路指錯方向,結果搞到要大拿拿悶走多四五k引水道先出到掃管笏=_\=

 

2008年5月8日

返回上頁返回首頁返回頁頂

 

Email