|
＠晨運路線，七點幾荃灣集合，太癲。
  
＠荃灣撘小巴入深井，向陳記後方向進發會現一間乜鬼食品工塲之類，入口就在後面。會見到有一個類似學校既牌。再經過蕉林、涼亭、長石級，郊野公園管理站和提壩車路就會去到…
 
＠深井儲水池，途中都好熱鬧，有好多晨運客。婆婆仲讚我地乖，咁早出黎晨運。
 
＠沿馬路前進會見到呢個景出現在右方，大型排水口！？再行多一陣會見到有梯入澗…
 
＠下源極平緩寬闊澗道，人工咁…兩邊有d 類似草皮既野。但係d 水有Ｄ怪味…不久見到小橋擋路和大量垃圾…決定棄澗返山路。
  
＠沿石屎路再行多一段仔便到了盡頭…會見到危險牌和紅繩。下面便是地龍的入口了。
  
＠引水道中發現跑車乙架。引水道行出兩步就係鬼怒既入口啦，照舊都係極平緩澗道。
 
＠好快就到左全澗唯一既潭，時正九點，陽光岩岩打入呢個谷位，幾靚！瀑頂回望水潭加浮屍。d 石仔比陽光照到發出金光！
 
＠出水芙蓉同陽光玩遊戲！？
  
＠瀑布之後的澗道開揚了少許，直行到盡頭澗勢突然９０度右轉！呢度就係鬼怒壁啦！好大水呀！成條輸水道咁！
 
＠鬼怒壁全貌。
  
＠攀鬼怒壁這段為全澗最難位，信相左右都上到，瀑右係正路，有繩。條繩好似幾新，不過都係唔好靠哂佢啦。
 
＠瀑頂小休一會，出澗位就在瀑頂後方的草叢。
 
＠出澗後觀望全澗及鬼怒壁之姿。真係好筆直既澗道。本來打算去深井坑，結果改道去蓮花玩水，中途經過清快塘，可以起阿伯度買野飲。
 
＠原來係有麵食架！仲要係餐蛋麵！１５蚊都ＯＫ喎！仲有，經我地多番觀察，可以推論到上次唔係鬧我同阿樂…邊飲野邊行去蟠龍。
 
＠發現蟠龍大水到你驚！！好精彩！！終於嘗到傳說中最靚既澗！！
  
＠水呀！！池都滿哂！！仲要清左好多！！瀑布打橫生開左！！太出色啦！！
 
＠玩完水再次單挑潭旁小壁，今次竟然一舉功成，突破大肚位！用左兩hit 抱石！過左果個位已經雙手不舉，再想進一步左移已是不可能，跌落水係唯一出路…
 
＠玩完蟠龍冇事做走去繼續上溯…水都係好大，但係景唔多而且好多蜘蛛網…仲有野狼出沒，好采走得快。
 
＠去到田清橋決定收手。接走元荃馬路去傳說中既瀑布。
 
＠原來就係上次七一迷路我地休息果度！再落少少就係呢個瀑布啦！見到一班行友下降落蓮花∼
 
＠玩完瀑繼續元荃古道落荃灣 tea，回途中見到花山猴王石。
＠遠望青馬大嶼。
2004年8月1日 |
