溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖甲龍石澗

甲龍石澗源起轆牛嶺東部流入石崗,澗內有不少可觀的中型瀑布。澗道短小,可以與清潭石澗連遊。

隊員:Pui, Fa, King

 

剛剛Offline,脫出清潭既網絡,從山泥傾瀉既泥坡典返上正路,原定計劃快閃去玩埋甲龍石澗。

先走一段越野單車徑,幾崎嶇下,踩單車應該會炒落山峪仆死。去到分叉路口轉入甲龍古道。下降十數分鐘古道便會與甲龍石澗交匯,就在此入澗。入澗既時候剛剛遇到一班單車友路過。

感覺上比清潭好上少許,起碼開揚D同少D蛛網,但係濕滑既程度就差唔多,落澗都係小心D好。入澗無耐就遇到一個兩層高瀑。可以在左面抄林下降。在上下兩瀑中間小休一會,食返個下午茶補充一下體力。

繼行,進入林蔭段,由於天色已漸沉,呢段路顯得格外陰森,途中經過一兩個短瀑,係咁2影下相就急急腳閃人。

中段的大潭,但水潭頗淺,估計水深及腰Only。下降至這個潭之前澗右有一支流,如果走這支流好快就可以出到澗接回古道。起附近發現左好多新鮮樹上熟既山橙,摘一個黎玩,掟爆左流出一些奶白色液體=_\=。

個潭環境都唔錯,終極大水既話都可能出現馬蹄形瀑布。我地又起度小休玩砌堤壩令到水位暴漲,好低能咁浸濕左自己個袋=_\=最後水流太勁沖毀左堤壩…閃人…

之後遇到全澗最高既一道流瀑,可以起右方下降。

落到瀑底,可以觀賞到既得返最底果一截,但係形態唔錯,幾好。由於天氣漸暗,我部索尼老爺機自動進入左慢快門模式,影到瀑布霧化既流勢,正!

又一次進入林蔭段,有個有d似散髮既短瀑。瀑右有個石室,太黑唔敢入去玩啦。

澗口大潭,好似幾深,但係天都黑埋唔落水啦。最後下降到石橋出澗,澗口係村民屋企門口,出澗之時引起一眾小否狂嚎。

終於玩完,經村路、軍營出返錦上路撘64k出大埔晚飯。

2005年9月3日

返回上頁返回首頁返回頁頂

 

Email