溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖乾白石澗

西部大開發之二,小組探遊乾白石澗,十點元朗廣場集合,除左花花係西人其他全部唔識路,但係竟然十點前人齊,簡直係奇蹟。食早餐後發現無人帶備地圖呢樣裝置,好彩癲哥哥既基地就起隔離,由花花帶領前往一探癲哥哥及領得西部地圖影印本一份,順手參觀一下中心新設既攀石牆,真係有錢人玩法…再來購入本日既糧水包括美人瓜乙個後便乘撘 33號綠Van入白泥。

隊員:Pui, Lok, Fa, Terence

 

小巴經過後海灣旁的小車路入白泥,中途見到興建中連接香港同琛玔既西部通道。

在鴨仔坑釣魚塘落車,唔行下游,先沿魚塘邊小路繞走一段,中途Cut過一次死水下游,需要攀上米多高既沙壁,不斷引發流沙,失手跌落後方既死水潭就開心死。

踏草入返正路,路邊建有一間雞場,工人剛剛在清洗雞糞,沖落下面既魚塘,D魚即刻湧過去開大餐,真係一個唔錯既設計。過雞場之後就可以直線進行殺入澗。

久未一嘗既沙澗模式,涼鞋卡住左好多沙係咁磨,好差既感覺,除鞋行會爽好多。
天氣極熱極好陽光,使出終極輕裝無帶遮,唯有問花花借頂帽帶下。

過小堤霸後澗中岩石驟多,可以著返鞋玩。再前行十數分鐘澗道黎一個先右後左Z形突轉,抬頭一望發現澗道盡處一巨壁突立,左右對稱地各置筆直瀑布,好整齊既格局。

乾白第一瀑 - 「銀絮雙瀑」。

瀑底無潭只有亂石橫置,左瀑流勢較為柔弱,可以站在瀑下享受一下水力按摩。

掛住玩水唔記得袋住張地圖,睇黎今日極有可能迷失於青山腹地…=_\=

在壁左翻上瀑頂,發現一個小水池可以玩閘水計劃。

繼續前進,到達下一個景點「石磐噴瀑」,撞到大隊在此大休。

瀑底有一個石室可以鼠入去!仲有一條石罅可以攝入去玩!出色!玩左一陣就閃人,從瀑右岩壁上攀,有一條直角石隙可以典上去,不過相信要一定既技術,但我地無…

上到瀑頂一玩閘水計劃,使出三人技將流水完全封殺,令到瀑下的行友亦不禁起疑!

續行,澗道為一水潭所阻,可以使用生蚺蘁猼捷怬L過河,極好玩既玩意,淨係用手力好難,趺左落水兩野,起上面行雙鋼亦可!起度玩左好耐,過河後小堤壩有一水管噴水中,可以用膝頭哥頂住佢!起我地玩既時候又被尾行既行友過返啦。

再過無耐又有野睇,到左水梳瀑廊,又追返大隊行友,一齊起呢度大休食午餐。

收埋起褲袋既三條瑞士卷竟然仲未谷爆,太好。正餐後仲有出色既西瓜計劃!

西瓜核手工藝,靚!!        癲哥哥精神長存。

水梳瀑廊,一個狹長的水道,長10米左右,只有中間少量位置水深沒頂,盡處配置一亂石流瀑,游泳穿過水廊再攀瀑就梗係指定動作。瀑頂設一長潭,乃一水攻天險!!

花花再嘗試上攀,留意係完全無哂水架!!等佢上到差唔多就係時候排洪!!
唔可以濕身玩攀瀑既話就要由長廊左邊的斜壁橫移攀到瀑頂,好似幾難幾兇險。

等阿花上埋黎再使出三人合作閘水技,後方水池水位暴漲了30cm!!太癲,呢野排洪絕對可以KO所有攀瀑中既人。

過水梳瀑廊就到達最後一景「斜縫瀑 」,瀑頂亂石橫置形成石室,水從亂石隙中流出在石室中嶼y再注入下方的錐形潭。前一陣子既大雨都仲做到野,瀑峽右方支澗還存有一微弱流瀑。此潭水淺,只有支澗嶼y的地方水深剛好過頭,其他都可以澗水而行。

一探「斜縫瀑 」中石室!流水在上方石隙四方八面瀉下!!身處石室中壓迫感頗大,唯恐頭上的巨石會突然壓下來…=_\=…

加插穿洞環節!其中一石隙大可供人穿過!三名身形瘦削既隊友剛好可以穿過,如果係阿威既話相信難度倍增。

水流形成水簾,要閉氣一下穿過水簾,上面手位唔多,要靠哂撐個人上去!!在瀑頂巨石的的石隙中探頭出來。好玩度滿分!!玩完上可以玩多次落!一樣刺激好玩!!

見時間都差唔多,都係時候放棄下半場既行程,決定就地大抖玩瀑玩沙。

為斜縫瀑下水潭興建乾白大壩乙條,動用左四個民工花費了半小時,施工認真、用料一流,應該可以挨到兩日,徹底改善了當地的水利。

玩到成四點先離開,過左斜縫瀑後再上溯十分鐘便到達離澗的位置。在左方山坡離開,準備進入死亡荒漠!

翻過左寸草不生既荒漠,火紅既太陽在背後高掛,不斷抽走身上既水份…
沿路見到唔少枯骨,胡亂進入西部腹地既下場…

幾經辛苦終於脫出左死亡荒漠,踏上了山脊,重見文明之地。

右折沿脊踏上乾山頂。              ………

乾山頂小休一會,拍攝100 0頭像系列後離開,繼續往青山方向出發。

遠觀青山,心神若缺。        斜陽灑遍歸途。

最後在良田坳對上的山丘仔睇埋日落先走。經車路極速落山,出良景h晚飯完成。少有既有為閒遊之旅。XD

2005年7月3日

返回上頁返回首頁返回頁頂

 

Email