溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

蓮花石澗

蓮花石澗長期位列九大之一,亦被稱為「可能係最港最美的石澗」 …我地亦慕名而往,探遊這一條石澗…可惜…

隊員:Pui, Lok

 

荃灣坐巴士在大欖隧道轉車站落車起步。

落車之後沿馬路向前走,轉入左面小馬路,再轉右方會出現清楚的路牌。

向左沿山徑前進不久便可接上引水道。見到一條墮入引水道的蛇蛇。只可以唱一句:「 抬頭吧!! 相信愛妳便能飛!」

入澗位就在永吉橋附近,先不要急著入澗,再往前走至M173牌再入澗也不遲。我地就係起永吉橋搵路入澗,結果感覺不太好… = . ="

一入澗已經覺得唔多對路,下游既水質真係慘不忍睹,再加上有蘆葦輕點既澗道,二人乜都唔理暴走,Bypass左白蓮潭,返去睇資料先知中圖位置就係被遺忘了的白蓮潭…過左都唔知,真係陰功。直至去到右圖紅蓮絕壁既位置阿樂先掂水,呢兩條友仔咁鍾意玩水都可以忍到呢度先掂水,可想而知水質係何其差!!之後的彩瀑紅蓮!?算吧啦…走!

之後停低既地方已經係蓮台飛渡,呢度既水質係叫好少少,起馬冇泡泡起面漂漂下。我同阿樂都落水玩左一陣,瀑布附近有好多瀑布蛙!

平心而論蓮花既景觀真是不錯的,無奈水質的問題實在嚴重,大大扣分。

蓮花走廊,有好多斜壁,冇得嬉水唯有攀下石自娛一下啦。再來蓮台石…

最後到達蟠蓮飛瀑,全澗最好玩之地,水質還好!阿樂發覺水中有無數小蝦,結果二人在蟠蓮飛瀑下捕蝦,玩了大半個小時…

正路本可以從右方的林繞大潭,但係我想跨過右池邊那塊大石前進,點知手腳位不太良好,阿樂一野就飛左落潭…雖然經過多番嘗試二人終於成功攀越此石,但阿樂犧牲左參考書籍兩本…

右圖為上蟠蓮飛瀑最後一攀,有難度幸好有樹木可借力,右邊有林路可繞過此崖。到了瀑頂便會立即發覺右邊有出澗山路。蓮花之旅亦都就咁告一段落…極速下降深井閃人。

 

2004年6月1日

返回上頁返回首頁返回頁頂

 

Email