溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖青大石澗07

青大石澗源起青山流入下白泥,元祖九大石澗並非浪得虛名,論澗容之寬廣不獨稱霸新界西部,在境內亦只有寥寥可數的幾支石澗可與其匹敵。澗內有臥龍四疊兩個天成的游池,加上澗水涼而不寒,盛夏之時就算玩一整日都完全無問題!

隊員:Pui, 鬼, fa, thy, tong, 特偷, wai, abc, kinki

 

上一次全溯青大石澗已是4年前的時,之後都是路過四疊嬉水。由於想從頭溫習一次,今次既行程會由極偏遠的白泥開始…

0900元朗集合,早餐團後再搭小巴入白泥,單程車費都廿幾蚊=_\=,白泥總站落車大方向推進,堆田區門口左轉穿過荒廢果園入澗,條路比之前明顯左好多。

下游就如記憶之中的寬廣,充滿了粗沙的平緩澗道與沙灘無異,景況十分獨特,但走起除來了會比較費力,沙粒仲會跑入鞋內面令人好唔舒服,呢個時候可以好似kinki 咁赤腳上陣。

無耐就會見到下游一個特色水文量測設施,個人覺得十分靚仔,有d堡壘feel。

本來用黎量度流量的設施已經荒廢左九年,而顯示所得今日既流量亦只是麻麻地矣。

過水閘行多三個字沙灘就到達石澗中段的臥龍潭,咁快到既!?由入澗到臥龍慢行都係九個字,正∼

太多時間,池邊小茅屋放低行裝大休游水消磨下時間先啦。臥龍潭水質十分不俗,清綠色的潭水可以透出池底砂礫的土黃色。

睇落好大既臥龍潭實其大部份地方都好淺,只有4份1真係可以游到水,不過大伙兒坐在淺水中吹水都係一樂事!

大家泡浸緊既時候突然有個黝黑既鋼條阿叔出現,當佢取出鎖匙打開茅屋中的法寶箱既時候,我地就知道佢係屋主啦。正當阿叔想去旁邊的田地灌溉既時候,突然就落起雨黎,淋水都可以慳返。

正當想繼續起行之際竟然落起雷雨,唯有再坐多一陣先。嗯…行雷閃電阿花同多樂飛應該都會星星留起屋企玩了…

阿叔呢個時候返過黎開爐砌茶,阿棠見到即刻雙眼發光E到實一實。

等左幾個字雨勢收左可以上路,好快就到左大冷溪分流位,左轉繼續清大主源,再來去到近車路出澗位的牛頭坑分流,一陣會由呢度退出。

右路主源繼續行多幾分鐘,中途有d澗邊位置都被非法開墾為耕地啦,不過都ok整齊,無話搞到污氣障氣咁。

四疊之前兩三個小潭,都ok架。

到達誠意撻水既始創地「四疊潭」,完全無估到會咁快到,計一計我地仲有兩個幾鐘既大休時間,可以玩水玩到爛。


唔理咁多落水游返轉先,今年玩澗多左個興趣,就係潛落池底睇下個潭有幾深,一潛四疊大概有四米,仲要係沙底∼

玩水hea 時間既時候阿花二人在四疊下方驚現,正喎感人會合!除左阿花之外仲有兩三隊人經過,有隊仲要19幾人,搞到旺角咁,好彩佢地係路過,唔係池都爆=_\=。仲有兩個阿叔起主瀑右邊上上落落咁,高手高手…

黎到始創地點都要進行撻水禮。

開餐時間,今日乜九都無帶,茶同糖水都欠奉,但就乜九都有得食,因為隔離阿姐好好人咁請我地飲茶同糖水,連風板都借埋俾我地用,多謝你!

食飽再hea 再游再hea,閒到呢∼計返時間上良田坳睇日落,四點半閃人。

原路落返去轉入牛頭坑。牛頭坑完全係小坑小澗,但作為退路都可以順路一探既,全條都ok開揚,加上一間有兩三個小潭可以浸下水咁都唔錯,但景就真係欠奉了∼

其中呢個水潭邊橫移位都幾funny架,新手黎講ok有挑戰性又唔驚freefall。

去到後段雖然可以窮源到良田坳,但睇黎都係無為,都係放棄吧啦,由澗右石坡爆返上車路,剛好一個鐘ko左牛頭坑。


到車路慢步上良田坳旁的小山脊。

食菠蘿嘆冰極等睇日落∼跌左一塊…菠蘿!!!

屯門。

多樂花…嗯…=_\=

見住個太陽開始入雲,睇黎日落都係星星,唉提早閃人落山啦∼

點知行到半路見到成個天紅哂d彩雲靚到呢,但在落山途中經已睇唔到靚景…丫頂!最後落良景h完成閒遊再打個靚老邊,完美的一天。

 

2007年8月6日

返回上頁返回首頁返回頁頂

 

Email