溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖清潭石澗

清潭石澗與甲龍好似呢頭比較多人玩既澗,但係澗內景觀實屬一般,可能天氣關係份外覺得陰森,而且水質真係麻麻,澗道又滿布蛛網,堪稱一直在線,並唔係一次討好既行程。整個旅程最特別既算係入澗前既一段穿過田園既水管路,十分別緻。

早已計劃今日玩清潭,但係天氣繼續欠佳,早上決定取消行程,空出一個上午就出長沙灣拿車牌。但真係好想去郊外走走,搞掂車牌都係十點幾,見停左雨天色又好左少少,即刻相約競花特急出擊…

隊員:Pui, Fa, King

 

西鐵一擊花費13大元去到錦上路,貴到呢…但真係好快!會合地膽花後再打巴去水盞田村,64k有得分段收費真好。

撘幾個站去到水盞田村站落車,已經見到競競露宿於涼亭。叫醒個露宿者人齊出發,入村大方向進發。往水塘既路極之有趣,竟然係一條大水管!!

沿大水管走經穿過一大片荒廢田園,十分有趣,有預感呢一段路會係全日最好玩既路段…開頭以為行水管路好奇怪會比村人歧視,點知行行下去到人地屋門口,有水泥路駁上水管,還在水管上築橋…=_\=

深入小狗既樂園,幸得村民指路終於去到清潭水塘。清潭水塘分上下兩個塘,兩個規模都好細下,個牌寫住「灌溉水塘」,唔通水塘D水係比下面既村民用黎淋菜?

在上塘旁覓路入澗,一入澗立即接通左清潭既網絡,堪稱一直在線,感覺已經唔係咁好,雖則澗道算開揚,但係滿佈濕滑青苔、澗水起泡加有怪味…有負清潭之名…

沿澗上溯,小潭短瀑就有唔少,但就唔見有乜特別景觀。亦無乜特別既險位,最多都係同濕泥坡玩下遊戲。

穿過一段林蔭到左一個較開揚既地方,澗道為一卵形巨石所阻!真係好巨型!!石右有一梯級狀既流瀑。

就地大休Lunch,嘆下利賓納仔仔同果汁先生。食完野繼續行程,嘗試在巨石右邊沿流瀑而上,但真係好鬼跣,放棄∼都係由左邊上吧啦。

算係唔錯既一個景。         食鬼石。

健康成長中的青苔,顏色有D迷幻Feel。小睡片刻。

激流瀑布,三四條水匯流而成,幾好睇。一眾隊員從不同路線嘗試攀瀑,可惜不敵流水濕崖,中途連番被困,最後都係由左邊上避一避水流。

林蔭中又出現一個高瀑。站在潭水中觀瀑,感覺到有野咬腳指,一看之下發現有好多河蝦!!立即展開捕蝦行動。

競競:「哼哼哼,鉗我腳指咁抵死!?」瀑高不可攀,可由右邊繞上瀑頂。

雖然一路都有些中型瀑布睇下,但係水質真係一個好大既問題,完全唔想玩水=_=,一致決定快快手玩完去行下甲龍。

離澗前最後一瀑,瀑開二道,都唔錯。要越過此瀑可以在攀瀑左泥坡繞上頂。

荒不擇路,見帶就即刻左Cut離澗,點知條路發生過山泥傾瀉,好多樹木倒下阻路,要左穿右插鼠過D樹,幾經辛苦終於接返大路,向甲龍進發。

2005年9月3日

返回上頁返回首頁返回頁頂

 

Email