溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖圓墩坑

隊員:落, abc

 

由於引水道及公路關係,此澗下段難以探遊,上源左折則是沉悶的平流帶,是以可賞的澗道極短,可順登圓墩。

葵芳搭小巴直達豪景花園,之後大方向穿過橋底行多陣梯級好快就去到引水道。

到引水道右折快步推進,近日水頭充足,不知名坑位都有水流,到入澗位水量亦算不俗。

一入就是個梯級狀中瀑,感覺還可以。

行唔夠幾步又去到另一流瀑,形態不錯還有石室一個,可惜天陰陰涼,唔想落水所以未有一攀。之後我同abc從左路上攀,唔知點解臨尾好鬼險,鬘翮蚋r左面塊壁橫移,林木手腳位都不佳…可能係呢排打風既緣故啦,正路可能比林木遮左,如果呢條真係正路的話就死得人多。

條澗真係短到你唔信,轉個頭竟然已經到了最後一瀑,係一塊中型的瀑壁,再大水少少應該做到野。繞上壁頂已經發現泥路一條,眼見條澗已經轉入平流帶,當然馬上離澗啦。

上下花山至桃坑峒呢一大堆山頭有個特點,就係小路多到crazy,亂到七彩,要逃出生天,大方向推進加適當的林木作業係必需的,我同abc就水平向圓墩山頭推進,路胚時有時無,最終成功一登223m圓墩之頂,唔…零景觀…

下一站係圓墩民記老巢,聽講abc都黎玩過下,圓墩下降營地短短幾分鐘的路竟然要硬食數十蜘蛛網,實在令人不快。

一野落到營地,有勁大片平草地,唔錯既營地,可惜使用不能!

係咁易借用水喉同參觀一下之後,決定試下行新路,由所謂吊橋旁的山路急降引水道,都略為陰濕…

好快手就急降成功,本身最完美既結局係落山食tea,但唔知abc發咩神經竟然話照去下半場蛇舌坑,但到左澗口又唔玩走去行無聊山徑,所以abc臨尾平路仆得應一應係絕對抵死的。

2006年6月11日

返回上頁返回首頁返回頁頂

 

Email